ایبٹ آباد: ثقافتی اور علاقائی کھیلوں کو اجاگر کرنے کے لئے پہلی مرتبہ چنار فیسٹول کے نام سے میلا سجایا گیا جس کی افتتاحی تقریب گزشتہ روز کنج گرانڈ ایبٹ آباد میں منعقد ہوئی تقریب کے مہمان خصوصی سپیکر خیبر پختونخوا اسمبلی مشتاق احمد غنی تھے ان کے ہمراہ،ڈپٹی کمشنر ایبٹ آباد طارق سلام مروت،اسسٹنٹ کمشنر حسان احسن،ریجنل سپورٹس آفیسر احمد زمان،سابق ڈائریکٹر سپورٹس طارق محمود،اے اے سی امین الحسن، ڈی ایس آو فیصل جاوید،ڈی ایس آ ومانسہرہ، ڈی ایس آو بٹگرام، ڈی ای آوشوکت، مس سمیرا جاوید، مختلف سکو لو ں کے طلبہ اور شہریوں کی بڑی تعداد نے ایونٹ میں شرکت کی اور انتظامیہ کی جانب سے ایونٹ کے انعقاد پر خوشی کا اظہار اور مستقبل میں مزید فیسٹولز کے انعقاد پر زور دیا تا کہ نوجوانوں کو کھیل کود، جسمانی سرگرمیوں میں حصہ لینے اور لوکل، ملکی اور بین الاقوامی سطح پر ملک کا نام روشن کریں۔تین روزہ چنار فیسٹیو ل ضلعی انتظامیہ اور ریجنل سپورٹس آفس کے زیر اہتمام پہلی مرتبہ منعقد ہوا جس کا مقصد کھیل کھود کیساتھ ساتھ ہزارہ ڈویژن کے علاقائی کھیلوں کو زندہ رکھنا ہے تین روزہ چنار فیسٹول میں،رسہ کشی,کبڈی،نیزہ بازی،تیراندازی،پتھر اٹھانے کے مقابلے،کتاو خرگوش ریس،میراتھن ریس اور سائیکلنگ سمیت محفل موسیقی،کھانے،مختلف سٹالز،ہاتھوں سے بنی اشیا کی نمائش، ہندکو اور پشتو مشاعرہ شامل ہیں۔افتتاحی تقریب سے خطاب کرتے ہوئے سپیکر خیبر پختونخوا اسمبلی مشتاق غنی نے کہا کہ ان علاقائی مقابلوں کو چنار فیسٹول کا نام دینا قابل تعریف ہے کیونکہ ایبٹ آباد کو چناروں کا شہر کہا جاتا ہے اور چنار کی درخت کیساتھ ہماری محبت کی داستانیں ہیں۔ انہوں نے کہا کہ کھیلوں کیساتھ ساتھ ہمیں اپنے علاقائی کھیلوں میں بھی دلچسپی لینی چاہئے کیونکہ یہ ہماری پہچان ہے اور یہ گیمز ہمارے بزرگوں نے کھیلی ہے۔انہوں نے کہا کہ وزیراعظم پاکستان کے ویژن کے مطابق کھیلوں پر خصوصی توجہ دی جارہی ہے صوبائی حکومت نے سپورٹس انفراسٹرکچر سمیت سپورٹس میگا ایونٹس اور سپورٹس سکالرشپ کی اجرا قابل ذکر ہے۔انہو ں نے کہا کہ چنا ر فیسیٹول کا انعقاد کر کے ڈپٹی کمشنر نے ایبٹ آباد کے شہریو ں کی نبض پر ہا تھ رکھا ہے کیو نکہ ایبٹ آباد کے عوا م چنا روں سے بہت پیار کر تے ہیں اسلئے ایبٹ آباد کو چنا روں کا شہر کہا جا تا ہے۔انہو ں نے کہا کہ ایسے پروگرا م منعقد کر نے پر میں ڈپٹی کمشنر ایبٹ آباد کو خرا ج تحسین پیش کر تا ہو ں۔ انہوں۔انہو ں نے کہا کہ بہار کی آمد پر شجر کاری مہم کا آغاز کیا جس میں چنار کے پودوں کو فوقیت دی جارہی ہے۔افتتاحی تقریب کے دوران گورنمنٹ سکول نمبر 4کے طلبہ نے ثقافتی نغفہ جبکہ فینسی ڈریس میں ملبوس لائم لائٹ پبلک سکول کے بچوں نے پاکستان کے چاروں صوبوں اور گلگت بلتستان کے ثقافتی رنگ پیش کئے جیسے حاضرین نے خوب سراہا۔اس موقع پر کراٹے اور علاقائی کھیل گتکہ کا بھی خوبصورت مظاہرہ کیا گیا،پہلے روز کھیلے گئے مقابلوں کے مطابق رسہ کشی میں کنڈیاں کی ٹیم نے ایبٹ آباد بلیو کو جبکہ کبڈی میں شیڈو کلب نے منڈیاں الیون کو شکست سے دوچار کیا
Chinar Festival Abbottabad
